Navenda Nûçeyan- Di yekem civîna Encûmena Giştî ya Serkirdatîya Yekîtîya Niştimanî ya Kurdistanê (YNK) piştî kongreya çarem de, Sekreter, Cîgir û Biryarderê Encûmenê tên hilbijartin. 121 kesên di kongreya çarem a YNKê de hatine hilbijartin di civînê de beşdar dibin û civîn bi serperiştîya tementirîn endam birêve diçe.

Piştî 15 rojan jî heman encûmen, Sekreterê Giştî yê YNKê hildibijêre.

Kongreya çarem a YNKê roja 21. 12, 2019an dest bi karên xwe kir, di roja yekem de Encûmena Bilind a Sîyasî hat hilbijartin û roja din jî Peyrewa Navxwe bi piranîya dengan hat pesendkirin. Di kongreyê de jî 121 kes wek endamên Serkirdatîya Giştî ya YNKê hatin hilbijartin, ew encûmen jî wek parlemana wê partîyê ye, desthilata wê li ser tevahîya pirs û dezghên wê partîyê heye.

K24