Li gorî nûçeya Russia Today (RT) çavkaniyekî leşkerî diyar kiriye ku artêşa Sûriyeyê ji bo parastina Efrînê ji YPGê xwestiye ku çekên xwe radest bike û gotiğe, eger YPG çekên xwe radest bike artêş amade ye Efrînê biparêze. Artêşa Sûriyeyê gotiye divê çek di destê dewletê bin û YPG jî çekên xwe radets bikin.

Wî çavkanî derbirî ku Yekîneyên Parastina Gel (YPG) ev daxwaza artêşa Sûriyeyê red kiriye û herdu alî negihîştine lihevkirinê.

Televîzyona El Meyadînê ya Lubnanê îdia kiribû ku YPGê û Şamê li hev kiriye ku artêşa Sûriyeyê têkeve Efrînê.

Li gel vê yekê çavkaniyekî ji Wezareta Karên Derve ya Amerîkayê diyar kir ku haya wan ji vê yekê tune ye û herwisa Berdevkê Wezareta Parastinê ya Amerîkayê (Pentagon) Eric Pahon jî ji bo Sputnikê got, wezareta parastinê li Efrînê nayê temsîlkirin û ger peymaneke wisa hebe, ew karê wezareta derve ye.