Heyetê Berzî yê Weçînayîşî (YSK) qedexeyê roja weçînayîşî yê 14ê Gulane de eşkera kerd. Goreyê qedexeyan; roja 14ê gulane de heta saete 18.00ine tu weşan nêeşkenê derheqê endamê weçînayîşî texmînan bikerê. Qedexeyê weşanî do heta saete 21.00ine dewam bikero. 

Metnê qedexeyan ê YSKyî de wina ame vatiş: “Goreyê maddeyê 80ine ê qanûnê hûmara 298; 

a) Roja weçînayîşê heta saet 18.00ine tu radyo û dezgehê neqlkerdişî nêeşkenê derheqê weçînayîş û netîceyê weçînayîşî de texmîn û ercnayîşan bikerê. 

b) Pêro dezgehê neqlkerdişî mabêne saete 18.00î û 21.00ine de tena eşkenê xebere û teblîgê Heyetê Weçînayîşî yê Berzî yê derheqê weçînayîşî weşan bikerê. 

c) Saete 21.00ine û dima weşanî serbest ê labelê eke Heyetê Berzî yê Weçînayîşî lazim bivîno, eşkeno vernîya saete 21.00ine zî destûr bido ke dezgehê neqlkerdişî weşanî serbest bikerê. No qerar 11.03.2023ine de bi xeylê rayan ameyo qebûlkerdiş.