Zanîngehê Çewlîgî heqê salona konserî hîrê hezar lîra ra zêdîna kerd 20 hezar lîra û konserê Mîkaîl Aslanî asteng kerd.

Zanîngehê Çewlîgî seba konserî salona xo hîrê mengî verî 3 hezar lîra ra dabî Mîkaîl Aslanî la zanîngehî nişka ra heqê salone kerd 20 hezar lîra.

Mîkaîl Aslanî hesabê xo yê medyaya dîjîtale de vera kerdişê Zanîngehî nêrazîbîyayîşê xo mojna û vat: ''Zanîngehê Çewlîgî welatê Rençber Ezîzî de yewna qayde konserê ma qedexe kerdo. 3 mengî verî ma salone 3 hezar lîra ra tepiştbî la nika zanîngehî seba salone 20 hezar lîra waşto. Destekê zanîngehî yê seba kultur û hunerî çew keno bermî ra!''