Rêxistina Mafên Mirovan li Efrînê belav kir, zarokê Efrînî yê 14 salî Xelîl Nihad Şêxo dema ligel hejmarek kes hewl dida bi qaçaxî derbasî nava xaka Tirkîyê bibe, li ser sînor ji alîyê serbazên Tirkîyê ve teqe lê hate kirin û hate kuştin.

Wê rêxistinê dîyar kir jî, termê wî zarokî bo nexweşxaneya bajarê Kîlisê hat veguhastin û heta niha ji bo malbata wî nehatîye radestkirin.

Rêxistina Mafên Mirovan li Efrînê da zanîn, Xelîl Nihad 14 salî ye û ji gundên Vêrganê yê navçeya Şera ye û li nêzîkî gundê Îkîdamê dixwast derbasî nava xaka Tirkîyê bibe.