Serokê Ûkraynayê Vladimir Zelenskiy piştî li Qesra Sipî ya Amerîkayê, bi Donald Trump û cîgirê wî re li ber çapemeniyê munaqeşe kir, terka Qesrê kiribû û navbera Trump û Zelenkiy xerab bûbû. Li ser munaqeşê Zelenskiy terka Koşkê kiribû.

Li ser bûyerê Zelenskiy daxwuyanî da û paş de gav avêt. Zelenskiy got:

“Ez poşmaninm û minnetdarê Trump im. Ez û tîma min ji bo aştiyekî mayînde amadene di bin serpereştiya Trump de bixebitin.”

Piştî bûyerê Trump ragihand ku desteka leşkerî ya ji bo Ûkraynayê daye rawestandin. Li ser van bûyeran, Zelenskiy poşman bû û got:

“Ez car din dibêjim ku Ûkrayna girêdayê aştiyêye. Ti kes ji me heya dawiyê şer naxwaze. Ûkrayna ji bo aştiya mayînde, di wextekî kurt de amadeye li ser masê rûnê. Ti kes ji Ûkraynaiyan zêdetir aştiyê naxwaze. Ez û tîma min, ji bo aştiyekî mayînde amade ne di bin serpereştiya Trump de bixebitin.”

Zelenskiy got ku amadeya da şer rawestîne, asta yekê ewe ku em dîlan serbest berdin, êrîşên hewayî rawestin, êrîşên ser çavkaniyên enerjiyê û avahiyên bingehîn bisekinin. Eger Rûsya van şertan qebûl bike, Ûkrayna amadeye ku şerê di deryayê de jî rawestîne. Zelenskiy weha dewam kir:

“Di temamê astên din de gelek bilez û ji bo bigihên peymanekî xwurt, em dixwazin bi DYA (Amerîka) re bixebitin. Em qiymetê didin kiryarên DYAyê yên ji bo desthilat û serxwebûna Ûkraynayê kir. Dema serok Trump fuzeyên tankan yên Javelin da Ûkraynayê, bi temamî karê me hêsan bû û ji bo wê jî sipasiya Trump dikim.”

Li ser hevdîtina 28ê Sibatê Zelenskiy got ku hevdîtin baş derbas nebûye û weha dewam kir:

“Ciyê xemgîniyê ye. Niha wexta em karê xwe bikin. Em dixwazin di pêşde hevkarî û danûsitendin bi erênî be. Mesela peymana mineralan û ewlehiyê! Ûkrayna amadeye ku peymanê her wext lê di formatekî baş de îmza bike. Em peymanê ji bo garantiyên saxlem û zêdetir, wekî pêngavekî dibînin û hêvî dikin ku bi tesîrekî baş di rêde here.”

Ev nivîs 38 car hatiye xwen