Merkezê Xeberan - Bi Kurdkîya Kirmanckî (Zazakî) kitabêko elektronîk (Mewlena ra Hîkayeyî) ame weşanayîş. Kitab, hetê nuştox Yaşar Balukenî ra ameyo nuştiş û keyepelê http://www.kirdki.com/o ke bi safî Kirmanckî (Zazakî) weşanê xo keno ser ra ame weşanayîş.

Bi averşîyayîşê teklonojî hînî kîtabî înternetî ser ra bi hawayo elekoronîk yenê parekerdiş. Xeylê ziwanan de nê xebatî rewnayo ke dest pêkerdê la ziwanê ma de zî winasî xebatî dest pêkerdê û ci rê eleqeyêko weş esto.

No kitabo ke hetê nuştox Yaşar Balukenî ra ra tirkî ra ameyo açarnayîş û hîkayeyanê Mewlana ra yeno pê û bi ziwanêko zelal ameyo nuştiş.

Tadayoxê kitabî Yaşar Balukenî derheqê na xebata xo de malûmat da keyepelê ma RÛPELA NÛ.

Nuştoxê kitabî Yaşar Balukenî derheqê xebata xo de keyepelê ma RÛPELA NÛ rê wina qisê kerd.

“ Tîya ra hewt serrî verê cu wendegeh de bi wendekaranê xo saeta wendişî de ma kitap wendênî. A roje mi kitabê xo xo vîr ra kerdibi û nêardibi wendegeh. Coka ez ewnîyawa kitabanê wendekaran ke xo rê yew weçînî, biwanî. Wina zî hem wendekaranê xo rê bibê nimûne hem zî demê xo bi wendiş bivîyarnî. Kitabê ke mi wendekaran rê girewtibî înan ra kitabê “Mewlana Ra Hîkayeyî” mi vet û dest bi wendişî kerd. Mi wexto ke çend rîpelî wendî, kitab zaf weşê min a şi. Mi xo xo vat dê ez biewnî ez eşkena nê cumleyan biçarnî zazakî. A hele mi bineyke ceribna. Ez ewnîyaya ke ez ker ra yena,  mi xo xo va, qey ti no kitab nêçarnenê kirdkî.

Mi o kitab girewt û berd keye. Keye de ser o xebitîyaya. Tabî o wext nuştişê mi hema sey nikayî nîyo. Xeylêk xetayê mi vejîyenê. Mi zî goreyê fekê Çewlîgî çarnayênî û dima çeku bi çeku ewnîyayênî ferhengê Vateyî ra. Mi çend hîkayeyan çarna. La ancî ez xora bawer nîya. O wext mi va ez hewî seba redaktekerdiş şaîro erjaye Merdimînî ra persî, gelo zaf xeletî estê. Mi ci rê telefon kerd, persa. Ey zî bi zerrweşî qebul kerd. Va, yew hewe de nêbeno. Pira pira ma ser o bixebît hîna baş beno.

Xebate tîya ra 7 serrî verê cû dest pêkerdibi. Nêzdîyê xebate şeş aşmî ya la nê şeş aşman de her roje nêxebetîyayênî.  Wexto ke mi dest bi çarnayîşî kerd. Mi va ez eke xebate biqedînî ez sey kîtabo elektronîk weşanena. A yewine, ez xo ra bawer nêbî ke kitab biweşanî. Ê diyin zî ez komputer ra eleqedar a û gureyanê komputure ra hes kena. Komputure de zaf meşxul bena. Wina kitabanê elektronîkan dîyayîş a no fikir vejîya. Bi raştî mi xebate qedîna, embazanê mi ra çend tenan vat, hewî bierşawe weşanxaneyanê ma wa biweşanî. Mi di heban rê şawite. Înan vat, to ziwanê ey o orjînalî ra biçarnayênî ma weşanayênî la to tirkî ra çarnayo coka ma rê nêbeno. Ez zî hewna ageyraya qerarê xo yê verênî ser. Bi nê kitabî goreyê rastnuştişê Vateyî nuşto la mi va wa bineyke zî boyê fekê Çewlîgî zî tira bêro.

Ez bi xo zî hîkayeyan nusena la wextê çapkerdişî nêameyo mi gore. Gereke hema demê xo bigeyrî. La hêdî hêdî wazena dest bi nuştişê kitabê kogêrî (dagcilik) ser o kitabêk binusî. Eke Homa bîyaro wêrî.”

Kesê ke biwazê kitabî biwanî eşkenî keyepelê http://www.kirdki.com/ linkê http://www.kirdki.com/?p=3016 ser ra biwanê.

Mîyanê kitabo ke tede hîkayeyê Mewlana estê û açarîyayê ziwanê ma de nê hîkayeyî estê.

Nêweşê Eşqî

To Zî Şuşeyî Deverdayî

Emşo Hindîstan De

Nefs, Sey Şêro Xidarî Yo

Rindîyê Papaxanî û Ziwanî Ey Belayî Sereyê Ey O

Çol De Yew Bedewîyo Feqîr û Cinîyê Eyi

Alimê Ziwanî(Ziwanzan) û Kelekvan(Qeyîkçî

Qazvînij û Deqker

Seyad(Seydwan) Bi Xo Beno Seyd

Kerr Şino Qey Nêweşî

Eyneyê Zêrrî

Awo Ke Şew “La Hewle” Weno, Roj Zî Secde Keno

Bano Ke Pê “Eke” Pêranîyo (Bivirazîyo

Heskerdişê Ehmeqî

Baxçewano Ke Yewbîyayîş Keno Vila

Biaqilo Ke Xo Gej (Nawneno)Mojneno Ra

Hindîstanijî Ke Nimaj De Qalî Kenî

Extîyarî Ra

Mezelê Zerrî

Wayîrî Deve û Feylesof

Însan Gerek (Ganî) Xo Bizano

Waştiş Yew O, Ziwanî Cîya Yî

Holî Roşnê Zerrî Ya

Kutikî Mehlayê Leyla

Tarîf Her Kesî Goreyê Xo Yo

Wehîm, Felaketê Aqilî Yo

Di Fiqreyî

O Yo Ke Nêverdeno Zerre Ra Vejîyo Teber

Estbîyayîşê Yi, Çinbîyayîşê Mi

Mêriko Ke Boyanî Weşan Ra Xora Şino

Ayê Ke Herindê Şekerî De Herr Wenî

Aşiqo Raştikên, Asparê Deveyê Ganî Xo

Dinya Manena Yew Şaşika Zîynetîn(Şaşaayîn

Seyad(Seyddar) Rê Şîretê Mîlçikî

Dinya De Xapîyayîş

Rindîyê Tavuse, Dişmenê Ganî Ayê Ya

Ti Ko Leyla Bidejnî

Çerme Dest Ra Şino

Eke Sey Cê (Eynî) Bibênî

Eke Na Pisîng A, Goşt Ho Ça?

Sultan Mehmûd û Ayas

Tamaya Zaf, Vêşî Zîyan Dana

Tedbîrê Xo Vernî Ra Bigiri

Cinîya Kokime û Şeytan

Hîkayeyê Terzîyo Ke Qumaş iraweno

Lapata Ke Edaletî Da Piro

Xeyrê Zalimî

Cins Cinsê Xo De Beno Dost

Mêriko Ke Gêreno Dore(Xezîna)

Fendê Cinî, Qadî Berd

Xebere / RÛPELA NÛ